بسم الله الرحمن الرحيم

فى كل يوم بنحاول نفتح باب مقفول بينا وبين ربنا
سحر الإبتلاء !
ليه ربنا يبتلينا ؟! عشان الإبتلاء يستدعى الإنكسار من الذنب .. ولما تنكسر هتتوب .. وبعدين تترك الذنب ، يعنى ربنا يربيك

* علامات سحر البلاء
1- كثرة الشكوى للناس ، ويسمى شهيد الظروف ، بيحب يحس إنه فى عناية الناس ، وناسى إن ربنا جنبه
وربنا وصف المسحور دا " لايسئم الإنسان من دعاء الخير وإن مسه الشر فيئوس قنوط "
بيبطل يدعى ربنا بقلبه .. استك
فى باهتمام الناس !

2- اللجوء للحرام .. لإنه حاسس إن ربنا بعيد عنه ..
يقول أحد الصالحين " لبلاء فى طاعة خير من نعمة فى معصية "

* وقصة النهاردة شاب فى الثانوية العامة بيقول أنا كل حياتى مستقرة لكنها جحيم ، مستقرة من ناحية العيش والصحة ، وسبب الجحيم هو أختى اللى إهتمام البيت كله مصبوب عليها ، أبويا بيحبها جدا ومش بيرفض ليها طلب ، لدرجة إنى لما بجيب درجات مش كويسة بيشتمونى ويهينونى وهى بتكون ساقطة ويطبطبوا عليها ، كل ما أشكى لحد يقولى اصبر وربنا هيفتحها عليك ، وأمى كانت مهتمة بيا عشان تعوضنى عن قسوة أبويا ، ، كنت مش عايز أذاكر عشان مش عايز أفرحهم بيا وجبت 75% ف الثانوية العامة ودخلت كلية تجارة ، وبدأت أقرب من ربنا وأصلى فى المسجد ، وبعدين شربت سجاير واشتعلت مع الدراسة ، وبعدين بطلت أصلى وشربت حشيش ، كنت حاسس إنى فرحان ! ، واتعرض عليا وظيفة مرتبها 3 أضعاف الأولى ، لكنى مش عايز أشتغل عشان مش عايز أفرحهم ..
-- صاحبنا دا ربنا فتح عليه فعلا بلإنه خلاه يصلى ويرزقه بوظيفة مرتبها عالى يقدر يجوز بيه ويفتح بيت ، ربنا بيعوضه ، لكن صاحبنا مش خد باله إن ربنا بيربيه ويساعده !

* عواقب سحر البلاء
1- العجز عن فهم الحكم الربانية
-- لازم كلنا نعرف إن البلاء خير لنا

2- التلذذ بإحساس الضحية
لإنه بيجمع قلوب الناس حواليه ، ودا معناه إنه لجأ للناس ويئس من رحمة ربنا
وربك قال " ولا ييأس من روح الله إلا القوم الضالون "

3- التعرض لسخط الله عز وجل
ودى حاجة صعبة أووى

-- إتفاق --
إن كلنا عندنا بلاء وبنزعل ونتعب ونقلق
بس لا أفقد الثقة فى الله عز وجل

* يلا نفك السحر
1- اتعلم تبث شكواك لله فقط
" إنما أشكوا بثى وحزنى إلى الله "
-- اكتشف الكنز اللى داخل كل بلاء " وعسى أن تكرهوا شيئا ويجعل الله فيه خيرا كثيرا "

* يلا نكون زى عروة بن الزبير
كان هو وإبنه بيزور أمير المؤمنين فى قصره ، فكان داخل القصر إستبطل خاص بالأحصنة ، فواحد من الأحصنة رفس إبنه فمات ، فقال عروة " إنا لله وإنا إليه ارجعون "
وبعدها أصابه السم فى رجله وكان لازم تقطع ، فقطعوها وهو فى صلاته .. مع حبيبه .. ربه !
ويقول كان عندى 4 أبناء فأخذت واحدا وأبقيت ثلاثة
وكان عندى 4 أطراف فأخذت واحدا وتركت ثلاثة
ربى كلما أخذت فكم أعطيت !!