The Brush}...لأسنان ناصعهـ البياض...{

اليوم راح أتكلم عن فرشاهـ الاسنان ..~
طبعا جهـ ببالي الموضوع لما كنت أفرش أسناني وقلت أحتاج أشتري وحدهـ جديدهـ لأني عديت 3 شهور
وأنا أفكر بهالكلام أشتغلت اللمبهـ فوق راسي وقلت صبايا وموضوع جديد عن فراشي الاسنان




نبدأ موضوعنا ...

فرش الاسنان ...~
كثير من الدراسات أشارت إلى وجود علاقهـ بين مشاكل صحيهـ خطيرة مثل أمراض القلب والسكتات
وفرش الأسنان غير النظيفهـ ,, لدرجهـ أنهم أكتشفوا من بعد الأبحاث أن الفرشاهـ العاديهـ تحتوي في المتوسط
على مايقارب 10 ملايين جرثومة << متخيلين العدد
طبعا شلون تكتشفي هل فرشاتك تتضمن هالعدد أو لا ...؟
بإمكانك تكتشفي من شكل شعيرات الفرشاة المتكسرة و المتقصفهـ بذلك راح تكون محتضنهـ البكتيريا ..

{ دووورت فرشاهـ منتهيهـ وحصلتها أخيرآ }
إذا كانت فرشاتكـ بهالشكل سارعي لتغييرها بأسرع وقت ممكن ’’


الحل ...
أستبدال الفرشاهـ كل شهرين او ثلاثهـ
وفي بعض الأنواع فيها حركهـ حلوه ... الشعيرات يتلاشى لونها إلى النصف مع الاستعمال
وقصدهم من هالحركهـ يذكروكـ بتبديل الفرشاهـ بعد مايوصل اللون للنص


*سؤال الأغلب يحتار فيهـ ....

كيف أختار الفرشاهـ المناسبهـ لي ...؟
طبعا لكثر الأنواع بالسوق الوحدهـ تحتار شنو تاخذ وللأسف الأغلب تاخذ ألي يعجبها كشكل ولون
وتجهل المواصفات كلياآآ


لذلكـ راح أقول لكم شنو المواصفات المطلوبهـ ...
1| أختاري فرشاهـ ذات رأس صغير وشعيراتها تمكنكـ من الوصول إلى الأماكن الصعبهـ في فمكـ ’’
2| الشعيرات حاولي أنها تكون ناعمهـ حتى تكون لطيفهـ ع الاسنان واللثهـ ’’
ويفضل ان يكون الشعر مصفوفا في صفين إلى أربعة صفوف ويتألف كل صف من خمسة إلى 12 خصلهـ ’’
3| أختاري الفرشاهـ ذات المقبض المريح ( ماتنزلق بالمويهـ ) بحيث تقدري تتحكمي بها بسهولهـ ’’


عند الشراء راح تلاقي هالكلمات مكتوبهـ ع الغلاف ...
soft,, medium,, hard
شنو المقصود منها ..؟ وشنو راح تختاري ..؟
المقصود منها درجهـ صلابهـ وخشونهـ الشعيرات هل هي ناعمهـ او متوسطهـ او خشنهـ
طيب شنو تختاري ...؟
" خير الأمور أوسطها " حكمهـ طبقيها في كل شيء إلا فرشاهـ الأسنان ’’
أغلب الناس تختار medium لأن اغلب الصيادله ينصحوا فيها
وللأسف أن اغلبهم مايمتلكـ المعلومهـ الصح ولما تسأليهم أي نوع أفضل
يفضل يقول لك medium ولا يبين لك أنهـ مو فاهم ولا عارف
جربي روحي صيدليهـ وسأليهـ أي نوع أفضل راح يقولك medium هي الاقضل
للأسف أن من خلال الدراسات أتضح أن 10% فقط يوصي باستخدام الفرشاهـ الناعمهـ
والأغلب يعتقد ان كل مازادت الشعيرات خشونهـ زادت قدرتها على التنظيف وهذا اعتقاد خاطئ

فالدراسات أشارت إلى أن نسبه إزالهـ البلاك او القدرة على التنظيف الجيد هي نفسها
بغض النظر عن الخشونة , لكن المضاعفات تزداد باستخدام الفرشاه الخشنه أو حتى المتوسطه
فيحدث انحسار اللثه وتآكل الاسنان بحيث يؤدي إلى حساسيه الاسنان وتزيد قابليه الاسنان للتسوس

من خلال بحثي عن الفراشي في المدونات الطبيهـ ’’
لفت نظري فوائد الفراشاهـ الكهربائيهـ أبدآ ماتوقعت كل هالجدل حولها كنت أفكر انها عاديهـ
بس غيرت رايي لما قرأت عنها وجربتها
وهاذي هي فرشاتي ’’


شوفوا هنا الشعيرات نااااعمهـ والشعيرات الصفر هي ألي تتحرك ’’


مميزاتها ...~
1| تتغلب على اليدويهـ بقدرتها الأفضل في إزالهـ البلاك وبالتالي تقاوم التسوس وأمراض اللثهـ بصورهـ أفضل من اليدويهـ ’’
تنبيهـ ... كل هالمميزات راح تنقلب عكسا إذا استخدمت أستخدام خاطئ
فلو أستخدمتي اليدويهـ بأسلوب طبي صحيح ولمده دقيقتين أفضل من أستخدام الكهربائيهـ بصورة عشوائيهـ ولمده 30 ثانيهــ ’’
2| تستطيع الكهربائيهـ تنظيف المساحهـ نفسها بوقت ومجهود أقل من اليدويهــ ’’
3| ذات جوده أعلى في التنظيف والدليل بعد ماتنتهي حركي لسانكـ على أسنانكـ الأماميهـ راح تلاحظي أنها صارت أكثر نعومهــ ’’
وأنا لاحظت هالشيء من أول أستخدام مررت لساني ع أسناني وكانت نااااعمهـ
4| يمكن لكبار السن والمعوقين أستخدامها بكل سهولهـــ ’’
5| يوجد بعض من أنواعها يكون فيها عداد إلكتروني يحسب لكـ مدهـ دقيقتين ’’
6| كمان يوجد في بعض الأنواع جهاز إحساس دوره يقوم بإيقاف دوران الفرشاهـ بمجرد مايبدأ الشخص يضغط ع الأسنان ضغط زايد لأنه راح يأثر ع اللثهــ ’’
7| أكثر متعهـ للأطفال وبالتالي ماراح تتعبي بعد اليوم وأنتي تذكريهم بغسل أسنانهم ’’

عيوب الفرشاهـ الكهربائيهـ ...~
تكلفتها أعلى والإستخدام الخاطئ يضر بحالهــ الاسنان واللثهــ ’’

:258:

شكراا على الافادة